L’autre se releuant deuers nous se vint rendre,
Moins honteux d’estre cheut, que de s’estre dressé
Et luy demandast-il s’il s’estoit point blessé.
Apres mille discours dignes d’vn grand volume,
On appelle vn vallet, la chandelle s’allume :
On apporte la nappe, & met-on le couuert,
Et suis parmy ces gens comme vn homme sans vert,
Qui fait en rechignant aussi maigre visage
Qu’vn Renard que Martin porte au Louure en sa cage.
Vn long-temps sans parler ie regorgeois d’ennuy