Conseruez vous l’esprit, gardez vostre franchise,
Prenez tout s’il se peut, ne soyez iamais prise.
Celle qui par amour s’engage en ces mal-heurs,
Pour vn petit plaisir, a cent mille douleurs,
Puis vn homme au desduit ne vous peut satisfaire,
Et quand plus vigoureux il le pourroit bien faire,
Il faut tondre sur tout & changer à l’instant,
L’enuie en est bien moindre & le gain plus contant.
Sur tout soyez de vous la maistresse & la dame,
Faites s’il est possible, vn miroir de vostre ame,