Sotte presomption vous m’enyurez sans boire.
Mais apres en cherchant auoir autant couru
Qu’aux Auans de Noel fait le Moyne Bourru,
Pour retrouuer vn homme enuers qui la Satyre
Sans flater, ne trouuast que mordre & que redire,
Qui sceust d’vn chois prudent toute chose éplucher,
Ma foy si ce n’est vous ie n’en veux plus chercher.
Or ce n’est point pour estre esleué de fortune,
Aux sages comme aux fous c’est chose assez commune,
Elle auance vn chacun sans raison & sans chois,