Auoir en bon soldat combatu nuict & iour,
Ie dois estre routier en la guerre d’Amour,
Et comme vn vieux guerrier blanchi dessous les armes
Sçauoir me retirer des plus chaudes alarmes,
Destourner la fortune, & plus fin que vaillant,
Faire perdre le coup au premier assaillant,
Et sçauant deuenu par vn long exercice,
Conduire mon bonheur auec de l’artifice,
Sans courir comm’ vn fou saizy d’aueuglement,
Que le caprice emporte, & non le iugement :