Ha pourquoy m’estes vous, à mon dam, si fidelles ?
Le porteur est fascheux de fascheuses nouuelles,
Defferez à l’ardeur de mon mal furieux,
Feignez de n’en rien voir, & vous fermez les yeux.
Si dans quelque maison sans femme elle s’arreste,
S’on luy fait au Palais quelque signe de teste,
S’elle rit à quelqu’vn, s’elle appelle vn valet,
S’elle baille en cachete ou reçoyue vn poullet,
Si dans quelque recoin quelque vieille incogneue,
Marmotant vn Pater luy parle ou la saluë,