Comme vn homme insensé qui s’emporte au parler,
Et dessigne auec l’œil mille chasteaux en l’air.
C’en est fait pour iamais la chance en est iettee,
D’vn feu si violent mon ame est agittee,
Qu’il faut bon-gré, mal-gré laisser faire au destin,
Heureux si par la mort i’en puis estre à la fin,
Et si ie puis mourant en ceste frenesie,
Voir mourir mon amour auecq’ ma ialousie.
Mais Dieu que me sert il en pleurs me consommer,
Si la rigueur du Ciel me contrainct de l’aymer ?