O beauté faictes en tout ainsi qu’il vous plaist,
Si vous me condamnez à mourir ie suis prest,
La mort me sera douce, & d’autant plus encore,
Si ie meurs de la main de celle que i’adore.
Auant qu’en venir là, au moins souuenez vous,
Que mes armes, non moy causent vostre courrouz,
Que Champion d’Amour entré dedans la lice,
Ie n’eus assez d’haleine à si grand exercice,
Que ie ne suis chasseur iadis tant approuué,
Ne pouuant redresser vn deffaut retrouué.