Du Rhain iusqu’en Prouence, & le mont qui partage
D’auecque l’Espagnol le François heritage,
De l’Aucate à Bayonne en cornes se haussant,
Monstroit son front pointu de neges blanchissant.
Le tout estoit formé d’vne telle maniere,
Que l’art ingenieux excedoit la matiere.
Sa taille estoit auguste, & son front couronné,
De cent fleurs de lis d’or estoit enuironné.
Ce grand Prince voyant le soucy qui la greue,
Touché de pieté, la prend & la releue,