Et rebuté du sort ie m’asserui pourtant,
Et sans estre auancé ie demeure contant
Sçachant bien que fortune est ainsi qu’vne louue
Qui sans chois s’abandonne au plus laid qu’elle trouue,
Qui releue vn pedant, de nouueau baptisé,
Et qui par ses larcins se rend authorisé,
Qui le vice ennoblit, & qui tout au contraire
Raualant la vertu la confinne en misere.
Et puis ie m’iray plaindre apres ces gens icy ?
Non ; l’exemple du temps n’augmante mon soucy.