La prudence et l’amour ne peuuent ensemble, III, 276.

La prudence si tendre et circonspecte, est mortelle ennemye des hautes executions, I, 196.

La raison nous ordonne bien d’aller tousiours mesme chemin, mais non toutesfois mesme train, I, 500.

La raison va tousiours torte, boiteuse, et deshanchée: et auec le mensonge comme auec la verité. Par ainsin, il est malaisé de descouurir son mescompte, et desreglement, II, 346.

Nul ne met en compte publique sa recette: chacun y met son acquest, I, 240.

Nostre religion est faite pour extirper les vices: elle les couure, les nourrit, les incite, II, 122.

La ressemblance ne faict pas tant, vn, comme la difference faict, autre. Nature s’est obligée à ne rien faire autre, qui ne fust dissemblable, III, 600.

Ie veux estre riche par moy, non par emprunt, II, 454.

Rien de noble ne se faict sans hazard, I, 196.

Rien n’est extreme, qui a son pareil, I, 314.