Et tu me hayrois, mais legitimement.
Tu sçay comme à Lesbos j'ay rendu Pasithée,
Que je l'ay comme Reyne avec respect traittée;
Tu me chasses pourtant, & tu souffres chez toy
Ceux qui t'ont tesmoigné moins d'amour que d'effroy,
Lors que par Araxés leur Princesse ravie
Devoit estre sauvee aussi-tost que suivie.
Celiane à part.
Voyla le Chevalier pour qui j'ay combatu,
Et de qui ma foiblesse a trahy la vertu.