Dont autresfois la Thrace a reveré les loix:
J'en pouvois justement esperer la couronne,
Si le sort eut voulu mieux traitter Hermionne;
Mais lors que l'inconstant m'eust mis le Sceptre en main
Le traistre me l'osta du jour au lendemain:
J'ay suivy du depuis sous l'habit d'Amazone
L'exercice sanglant de la fiere Bellone,
Et pour me signaler je cherchois les hazars,
Quant j'ay veu déployer vos heureux estendars;
Dez que j'ay recogneu par ces augustes marques