Hé bien! Tygrane: en fin ma gloire est sans seconde;
Cognois-tu quelque Roy plus heureux dans le monde?
Possedant cette Reyne est-il sous le Soleil
Un Monarque honnoré d'un triomphe pareil?
Tygrane.
Non Sire: Ce bon-heur comme vostre merite
Ne reçoit point d'esgal, non plus que de limite,
Et je croy que les Dieux quand vous serez unis
Vous combleront encor de plaisirs infinis:
Mais puis que de ce bien vostre ame est si contente,