Pour ne vous pas oster un si foible bon-heur.
Eurimedon.
Madame, pleust aux Dieux que ce fut un mensonge
Qu'auroient faict seulement les chimeres d'un songe,
Mais mon malheur est vray: Falante ce matin
Par ce triste discours a marqué mon destin.
Eurimedon, le Roy jaloux de vostre gloire,
Craint de vous desrober quelque insigne victoire,
Et pour vostre interest touché de ce soucy
Il veut bien (s'il vous plaist) que vous partiez d'icy