que trop le travailloient si que c'estoit merveille comme il le povoit
souffrir. Car néis les sains et les vertueux ne l'eussent peu endurer. Et
entre ces angoisses et ces destresses estoit-il moult doulx et amiable à
tous par sa débonnaire nature, comme celuy qui à tous faisoit beau samblant
et les recevoit tout aussi comme s'il ne sentist nul mal.
Et quant il se senti si attaint et si affoibly de celle maladie, si eut
desdaing de mourir vilement et soudainement ainsi comme mains hommes font.
Si assembla les religieux hommes de son royaulme, archevesques, évesques,
abbés et mains aultres prélas de saincte églyse et leur requist à estre
confés pour la révérence de la divinité et pour l'amour aux sains angles,