qu'il s'apperceurent certainement que trahis estoient et que par grant
malice les avoit-on fait illec venir: car il avoient perdu le fleuve de
quoy si grant plenté de gens ne se povoient passer; et aussi les fruis des
jardins dont il avoient assez aise et délit.
XIX.
ANNEE: 1147.
Coment l'ost des Crestiens, vilainement traï, laissa le siège de Damas
pour la grant souffraite qu'il orent de vivres.
[702]Viande commença du tout à faillir en l'ost, si que tous en eurent
grant souffrete et mesmement les pélerins des estranges terres: car il n'en
povoit point venir de Surie, et ceux en estoient povrement garnis pour ce