Inculpé, soupçonné.
Quant les barons de Surie l'oïrent dire, grans courroux en eurent et grant
desdaing de ce que le haut prince qui tant de terre avoit en son pays et
estoit là venu en pellerinage vouloit ores gaingner en celle manière l'un
des plus nobles et riches membres du royaume de Surie. Mieux leur sembloit,
sé le roy Baudouin ne la retenoit en son demaine, que l'un d'eux la déust
avoir. Car il sont tousjours en contens et en plais aux Sarrasins et, quant
les autres barons retournent en leurs pays, il ne se meuvent, car il n'ont
riens ailleurs. Et pour ce qu'il leur sembloit que celluy voulsist tollir
le fruit de leur travail, plus bel leur estoit que les Turs la tenissent