Le roy qui selon la divine loy vouloit vivre qui commande que l'en prègne

femme selon la droicte ordonnance de saincte églyse et soient ambedeus une

mesme char, prist en espouse la fille l'empereur d'Espaigne, en espérance

d'avoir hoir masle qui après son décès gouvernast le royaume de France.

Celle dame qui Constance avoit nom envoya querre par Huon l'archevesque de

Sens. Quant il l'eut amenée, si l'oignit et couronna et elle et le roy en

la cité d'Orléans.

Après un peu de temps qu'il eurent esté ensemble conceupt la royne et

enfanta une belle fille qui fu appellée Marguerite, et depuis fu donnée en

mariage par l'atirement de la court de Rome à Henry le fils le roy