ANNEE: 1160.
Coment la royne mourut de enfant. Et coment le roy espousa la fille le
conte Thibaut de Blois.
En la royne Constance engendra le roy Loys une fille. En traveillant de
cest enfant morut la dame par grant meschéance; pour la mort de laquelle le
roy fu en grant tristesse. Après ce que le roy eut un peu mis son deul en
oubli, luy conseillèrent les barons et les prélas qu'il se remariast, car
il n'est né droit né raison que le roy soit sans compagnie de loyalle
espouse. Le roy s'i accorda, car il regardoit en son cuer ce que
l'Escripture dit: que mieux vaut mariage que ardoir au feu de luxure[714].
Et pour ce qu'il doubtoit sur toutes riens qu'il ne demourast sans hoir