De leurs nefs issirent à grant tumulte et à grant noise: par le pays
s'espandirent et ardirent et destruirent quanqu'il trouvèrent avant eulx.
Les hommes et les femmes traynoient enchayennés; les villes et les cités
roboient; les chasteaux et les forteresses trébucheoient et metoient en
gastines. Partout oïssiés crier et braire communément; et quant la terre le
conte Thibaut feust gastée, si entrèrent après en la terre le roy; et ce
qu'il ravissoient vendoient-il aux Normans et leur donnoient pour petit de
prix; mais en la terre de Normandie ne faisoient-il nul mal.
IV.
ANNEES: 962/991.