ANNEE: 998.
Coment le roy Robert fu preudhome et bien morigené et bon clerc. Et coment
il fit plusieurs nobles sequences de l'églyse. Après, coment Melun fu livré
par traïson, et coment il fu recouvré par le roy.
[290]Auprès le roy Hues, gouverna le roïaume son fils, le roy Robert qui,
au temps, son père meisme, avoit esté couronné. Moult fu cil roy débonnaire
et attrempé, et l'un des mieux entechiés de tous les roys et des mieux
morigenés; preudom et loial, et moult aima sainte églyse. Bon cler fu et
merveilleux trouverre de beaux dis en sequences et en respons que l'en
chante en sainte églyse, comme la sequence du Saint-Esperit:
Sancti
Spiritûs adsit nobis gracia
; et le respons de la vigile de Noël: