Saint-Jéhan-de-Laon à qui il les avoient tollus, si s'en vint à
Beauvais[543] et assiégea la cité qui lors estoit à un Adam, un desloyal
tirant qui les églyses et le pays d'illec entour guerroioit et faisoit
moult de maulx, et y fist tenir le siège près de deux ans. Et au derrenier
la prist et l'abatti jusques aux fondemens et ceulx de dedens pendi. Et
pour ceste raison rendit paix et seureté au pays, et celluy desloyal
deshérita de celle seigneurie qu'il avoit en la cité.
Note 543:
Beauvais.
Erreur: il falloit Amiens.