l'avoit grevé et sa terre gastée, estoit un jour entré en la terre
Nostre-Dame-de-Rouen pour rober et pour destruire; si avint que une maladie
le prist soudainement, dont il morut: mais avant fu longuement destraint et
angoissié. Et jà soit ce que ce fust à tart, si aprist-il quel honneur l'en
doit porter à la royne des cieulx. Le conte mesme Foucques d'Angiers qui au
roy de France s'estoit allié et asseuré par bons hostaiges brisa sa foy par
sa convoitise et par son avarice. Et sans son conseil donna sa fille, comme
tricheur et desloyal, à Guillaume le fils du roy Henry; et parce mariage
s'accorda à luy et laissa à aydier au roy de France.
Note 552: