I.
De nos barons que vos est-il avis?
Compains Erars, dites vostre semblance:
En nos parens né en tos nos amis
Avés-i vos nule bone espérance
Par quoi fussiens hors du Thiois païs
Où nos n'avons joie, solas né ris?
Au conte Otton[A] ai-jou moult grant fiance.
Note A: Otton, surnommé le Boiteux, comte du Gueldres.
II.
Dus de Braiban[B], je fui jà vostre amis,
Quant jou estoie en délivre poissance;
S'adont fussiés de rien nule entrepris
En moi puissiés avoir moult grant fiance.
Por Deu vos pri, ne me soiés eschis;
Fortune fait maint prince et maint marchis
Millors de moi avenir meschéance.
Note B: Henry III, surnommé le Débonnaire.
III.
Belle-mère[C], oncques vers vos ne fis
Por coi éusse vostre male voillance,
Très icel jour que vostre fille pris[D];
Vostre voloir ai-je fait très m'anfance;
Or sui forment, por vous, liés et pris
Entre les mains de mes mals enemis;
S'avés bon cuer, bien en prendrés venjance.
Note C: Marguerite, comtesse de Flandres, dont le comte du Bar
avoit épousé la fille Jeanne.
Note D: En 1245.