Autre.
Le fils de Cresus, muet du ventre de sa mère,
Voit l'espée sur son père et recouvre la voix:
«Cruel, ne le tuez, luy quy m'a donné l'estre!»
Sire, aujourd'huy faites paroistre
En mesme peril vostre voix.
Prince, vous avez eu beaucoup moins de ruines,
Endurant doucement vostre captivité[36],
Qu'à faire le magot, estant en liberté,
D'Arnoux[37], de Cadenet, de Brante et de Luynes.
Responce.
Pensez-vous, si j'estois vraiment prince du sang,
Que je voulusse tant m'eslongner de mon rang
Que d'aimer ces caphars et ceux dont le bas aage
Se passa soubs l'habit de vallet et de page[38]?
L'on m'a trop faict savoir que là où la faveur
Se rencontre, il luy faut faire un temple d'honneur.
Ce coyon[39], quy estoit porté de sa maistresse,
Me feit bien eslancer dans une forteresse.
Il se vantoit encor de me faire juger,
Non pas prince bastard, mais fils d'un muletier,
Mes mœurs en faisant foy et mon infame vice;
Et je serois encor près d'un tel precipice
Si je n'allois tout doux faisant le grenouillet
Aux Pères[40], à Luynes, à Brante, à Cadenet.