Allés, allés, il vous faut de la vache. Allés à l'autre bout, on en y vend: vous trouverrez de la marchandise pour le prix de vostre argent. Il ne faudroit guières de tels chalans pour nous faire fermer nostre estau.
DIALOGUE VII.
Le Medecin.
L'Apotiquaire.
Le Chirurgien.
La Bourgeoise maladie.
Son Mary.
Sa Servante.
Deux Servantes malades.
La Bourgeoise malade.
Mon amy, je me trouve grandement mal. Je ne sçay qui m'a pris cette nuit, c'est à dire que tout me fait mal; je serois bien aise qu'on entendist à moy plustost que plustard.
Le Mary.
Et bien, m'amie, il faut avoir patience, nous envoyrons querir le medecin. Perrette, va-t'en dire au medecin que je le prie de venir jusques icy, voir ma femme qui est bien malade.
Perrette au Medecin.