Adsidue comes, et gemitu commista querela,
Singultusque frequens, noctem persaepe, diemque,
Conripere adsidue nervos et membra coactans,
Dissolvebat eos, defessos ante, fatigans.
Nec nimio cuiquam posses ardore tueri
Corporis in summo summam fervescere partem;
Sed potius tepidum manibus proponere tactum,
Et simul ulceribus quasi inustis omne rubere
Corpus, ut est, per membra sacer dum diditur ignis.
Intima pars homini vero flagrabat ad ossa;