Quorum si quis, ut est, vitârat funera lethi
Ulceribus tetris, et nigra proluvie alvi:
Posterius tamen hunc tabes, lethumque manebat;
Aut etiam multus capitis cum saepe dolore
Conruptus sanguis plenis ex naribus ibat;
Huc hominis totae vires corpusque fluebat.
Profluvium porro qui tetri sanguinis acre
Exierat, tamen in nervos huic morbus et artus,
Ibat, et in parteis genitaleis corporis ipsas.
Et graviter partim metuentes limina lethi