Mais par celui seigneur qu'en croix fistez morir,
Se ie vous puis auoir ie vous feray fenir».
Quant Pilatte l'entent de paour va fremir. 555
Pilatte en appella les Iuis sans demour:
«Que ferai ge,» dist il, «de cest empereour?
Bien scay que s'il me tient ie moray a dollour».
«Sire,» dist Barabam, «n'ayes nulle paour,
Soiies lies et ioyans nous vous tenrons a seignour; 560
Iamais l'empereur ne l'ara a nul iour;
Iherusalem est forte, bon murs y a et tours.»