Ensi disoit Iacob qui de coer fu tourbles,
Du roy de sainte gloire fu moult bien escoutes,
Son angle li tramist dont fu reconfortes, 625
De prison le gitta, les huis a deffremes,
Parmy la porte d'or l'en a l'angle menes.
Quant il se vit as camps de li fu dieu loes,
Trestout iusques as tentes ne s'i est arrestes,
Du seneschal Dangais fu bien tost aduises, 630
Moult grant fieste li fist et moult l'a acolles,
Et deuant l'empereur fu de ly presentes.