dar in wâren edler herren vil, die wolten ziehen hin
uber mer von kinden und von frouwen,
si wolten gut gewinnen, dar nâch stund ir sin.
ein schrîber hiez Virgilius der zôch mit in
ûf einem kiel, der was sô wol erpouwen,
si nâmen urloub sâ zehant.
dô sprâchen si zu wiben und zu kinden:
«und kumb wir wider her ze lant,
wir trouwen Got, das wir ûch frôlich vinden.»
hin an den kiel sô was in gâch.