Si decus Italiæ, si nostræ gloria Gentis
Infixa est animo, Lector, honosque tuo,
Si gesta Heroum monumento digna perenni
Vera tibi præbent gaudia, siste gradum.
Hic tres atque decem Galli, pariterque Latini,
Ob laudis stimulum, conseruere manus,
Congressique pares numero, et florentibus annis,
Attamen haud similes viribus, atque animo.
Hoc campo certatum est ferro, hic Gallica Pubes
Experta est nostras in sua damna manus.