Si!... E dumani t' 'u portu... Bellu, cauru cauru, ccu tutta 'a scuma....
Anna
E chi ci duna a mangiari?...
Rachela
Chiddu ca veni veni... Virdura, canigghia, scorci di muluni, di ficudinnia, d'aranci... muddica di pani... tuttu cosi, mangia!... 'I vicini 'u sannu, e m' 'i sarvunu, ppi Ciccina!...
Anna
(alzandosi) — Scurau (va a prendere un lume a petrolio sul cassettone e lo accende, poi si segna e recita una breve orazione a fior di labbra).
Rachela
(quasi contemporaneamente fa altrettanto, poi, dopo d'essersi risegnata) — 'U picciriddu chi fici si cuitau?
Anna