E comu, accussì senza pruvarli, si nni stannu boni o si non nni stannu boni....
D. Nzulu
Si.... teni a cura! senza mai ti stannu tanticchiedda cchiù larghi o cchiù longhi! Robbi di commedia su'!
D. Gasparinu
A mia non m'ha pigghiatu 'a misura nuddu, e ddocu supra mascaratu non ci acchianu!
D. Liddu
(sorridendo con compiacenza) — A sapillu prima, Don Nzulu.... si puteva cumminari d'accordu 'na cosa graziusa..... Filodrammiticu sugnu.
D. Nzulu
Non dubitati ca graziusa.... graziusa sarà.... Ora 'u viditi! A unu a unu vi fazzu 'a parti di tutti! Vi mettu comu un specchiu davanti!
Rachilina