Don Iacu, cca, parrò chiaru.... Cunveni a iddu, cunveni a mia....
Donna Prazzita
Tutti santi e biniritti, chi cc'entra! ( volta a don Nzulu, trionfante ) — Vi persuaditi, cucinu? Matrimonii e viscuvati, su' di 'ncelu distinati!.... Vah, quantu vaiu pi 'ssa casa.... A nomu miu 'a pigghiu, cucinu, semu 'ntisi, 'na vota ca vui cci avistivu 'sta quistioni....
D. Iacu
Quistioni? E cu cui, scusassi?
D. Nzulu
Ah, nenti.... cu D. Saru Pulvirenti.... 'u patruni d' 'a casa....
D. Iacu
Cca cci sugnu iu! Chi fa? Cci voli fari sfreggiu, 'ssu basalacchiu? ( si alza tronfio ) — Iamuninni, zâ Prazzita, mi permetti ca 'a chiamu accussì?
Donna Prazzita