Mi maravigghiu di vui, cucinu! Mi maravigghiu di vui, ca 'ncasa vostra riciviti li cani e li gatti!... 'Na gatta comu chista e un cani... ca si l'ha dittu iddu stissu ca è cani!
D. Nzulu
Ma carissima cucina! O cani o gatti, tutti parenti mi siti!
Donna Prazzita
Ah no, scusati! Nni stati facennu divintari vui cani e gatti cu lu vostru gustu e lu vostru piaciri, vo' circati pirchì!
D. Nzulu
Iu, cucina! No! L'ossu vi cci sta facennu divintari, pirchì sta vota è duru a lu spurpari!
Tidda
Già! E li denti non su' chiù chiddi di 'na vota!
D. Nzulu