Empturus pueros, argentum, murrhina, villas:
Spondet enim Tyrio stiataria purpura filo.
Et tamen est illis hoc utile: purpura vendit
Causidicum: vendunt amethystina: convenit illis
Et strepitu, et facie maioris vivere census.
Sed finem impensae non servat prodiga Roma.
Fidimus eloquio? Ciceroni nemo ducentos
Nunc dederit nummos, nisi fulserit annulus ingens.
Respicit haec primum qui litigat, an tibi servi
Octo, decem comites, an post te sella, togati