Hanc pater undisono sub gurgite in antra vocavit,
Amplexumque dedit, tremulisque sedere coegit
In genibus, tales fundens post oscula voces:
“Filia, tempus adest pueriles linquere ludos.
“Non te pulchra latet, qua subjicis omnia, forma;
“Tene latet quantis fugiendi viribus, instant
“Qui toties, laudesque ferunt, gressusque sequuntur?
“Crede patris canis et amori crede paterno;
“Quò plus obsequiis, quò plus sermone placebunt
“(Parce seni juvenem patri non grata monenti)