Et quanquam ipsa sibi pulcherruma tota videtur,
Pulchrior exoptat fieri, frustraque laborat.
Interea juvenis, jam fessus nasse, redibat,
Et prope jam fulvas manibus tangebat arenas:
Illa fugit, trepidatque, et rupe reconditur ima.
Hic latet, et votis contraria vota rependens,
Nunc patris hortatus, et nunc reminiscitur Acin,
Et rubet, et pallet, nec vultibus hæret in isdem.
Haud mora: nudus adest, antrumque Simethius intrat
Acis, ut abjectas repetat sub tegmine vestes.