А как приехали на съежий двор, и по Государеву, Цареву и Великаго Князя Алексея Михайловича всеа Русии Указу, Его Государево жалованье Боярин Василий Васильевичь с товарищи ему, Гетману

Богдану Хмельницкому, знамя, и булаву, и ферезею, и шапку и соболи дали; а в которое время что дать довелось, и Боярин Василий Васильевичь говорил Гетману речь, против Государева Указу. Сперва, как начал объявляти знамя, и в те поры говорил речь:

А молыл:

"Божиею милостию Великий Государь, Царь и Великий Князь Алексей Михайловичь, всеа Русии Самодержец и многих Государств Государь и Обладатель, велел тебе, Гетману Богдану Хмельницкому, говорити:

"Известно есть се всем, яко ничтоже без Божия смотрения в человецех деется, но вся его смотрением сшроется: усмотре сие и наше благоверный и христолюбивый Государь, Царь и Великий Князь Алексей Михайловичь, всеа Русии Самодержец и многих Государств Государь и Обладатель, яко и яже ныне деется в вашей сей земле несмирной, Божиим смотрением деется и строется, иже по велицей своей милости от верных своих, в земли сей велиим гонением от отступников и иноверных насилуемых, промышляли, тебе, благочестный Гетмане Войска Запорожскаго, со благохотным воинством твоим к защищению церкве святыя и всех Православных в сей земли сущих воздвиже, Его же милостию всесильною ты помогаем, покровом пречистыя Богородицы покрываем и поборением Святых Руских от Православных укрепляем, до сего времени по православии крепко побораеши, победу над насилующими Православным приемля; поразумевает же и се благоверный Государь Царь и Великий Князь Алексей Михайловичь, всеа Русии Самодержец, яко всемилостивый Бог, хотяй воздвигнути рог Християнский и сию землю, скипетр благовернаго Государя нашего, Его Царскаго Величества, якоже во времена благоверного Царя Владимира и прочих его наследников бысть, тако и ныне чрез ваше тщание соединити, смотрению Божию таковому повинувся, по твоему и всего твоега воинства желанию, Царскую свою милость вам показует и чрез нас, Его Пресветлаго Царскаго Величества меня Болярина с товарищи, сие знамение тебе, благочестный Гетмане, дарует. На сем Царском

своем знамении Царя царствующих, всемилостиваго Спаса, написаннаго в победу на враги, Пресвятую Богородицу в покров, и преподобных Печерских со святою Варварою, Руских молитвенников, в ходатайство тебе и всему твоему Православному воинству подавая, дабы всемилостивый Спас наш, якоже иногда, яко повествует История о происхождении честнаго Креста, Православному Царю Русскому и всем Християном даде на враги победу и мир дарова, тако и тебе со благочестивым воинством на врагов, церковь святую озлобляющих и Православных утесняющих, дарует победу, да о имени их зде всяко колено гордых падет на землю и враги Православных прогонятся, а мир тем устроится сущим в гонении Правоверным; и якоже Пречистая Богородица некогда верных в Цареграде покрывающи чюдным своим покровом, враги на верных вооружившияся всесильным своим заступлением, от Иконы ея чюдотворныя бываемым, иные чудотворно изби, другие же со студом прогна, тако да и посреде полков ваших в Царском сем знамении написана носима вас от иноверных оружия покрывает и победу на них даруя тебе со всем Православным воинством и со всеми верными соблюдет невредимых, и святии же Божии угодницы Русстии Антоний и Феодосий со святою Великомученицею Варварою, ея же святыя мощи, яко дар многоценен, ваша имать страна, якоже в начал православия в Русской сей земли сея мощи они же сами православне утверждаху, сице и ныне да будут скори тебе и всем помощницы, утверждающе мир Православия, и знамение се Его Царскаго Величества да будет всем врагом вашим победы знамение страшное и ужасное во бранех."

А изговоря Боярин Василий Васильевичь отдал Гетману Знамя.

А как отдал знамя и отдавая булаву говорил:

"Иное паки державы своея Царския знамение булаву сию благоверный и Христолюбивый Государь наш, Царь и Великий Князь Алексей Михайловичь, всеа Русии Самодержец, тебя жалуя, тебе посылает, да тою благополучно благочестивому воинству и всем людем

начальствуеши, гордящихся на Православие и непокоривых да тою тебе смирити; воинство же твое благочестивое, якоже до ныне добр устроевал еси, сице да и прочее время сим Пресветлыя Его Царския державы знамением, булавою, тако смотреливне управляти возможеши, яко да самое видение стройне управляемаго от себе воинства вся враги, на вы возстающия и на благочестие, устрашает и от вас прогоняет."