29. БОРЬБА ЯРОСЛАВА СО СВЯТОПОЛКОМ
Из «Повести временных лет» по «Лазрентьевскому списку», Спб. 1910.
БОИ ЯРОСЛАВА С СВЯТОПОЛКОМ И ПОБЕДА ЯРОСЛАВА
Начало княженья Ярославля Кыеве. В лето 6524[27]. Приде Ярослав на Святополка, и сташа противу оба полы 2 Днепра, и не смеяху ни си онех ни они сихь начати, и стояша месяце 3 противу собе. И воевода нача Святополчь, ездя възле берег, укаряти Новгородце, глаголя: «что придосте с хромьцемь симь, а вы плотници суще? а приставим вы хоромов рубити наших». Се слышавше Новгородци, реша Ярославу: «яко заутра перевеземъся на ня аще кто не поидеть с нами, сами потнем 3[его]». Бе бо уже в замороз. Святополк стояше межи двема озерома, и всю нощь пил бе с дружиною своею; Ярослав же заутра, исполчив дружину свою, противу свету перевезеся. И выседше на брег, отринуша лодье от берега, и поидоша противу собе, и сступишася на месте; бысть сеча зла, и не бе лзе озеромь печенегом помагати и притиснуша Святополка с дружиною ко озеру, и въступиша на лед, и обломися с ними лед, и одалати нача Ярослав, видев же Святополк и побеже, и одоле Ярослав. Святополк же бежа в ляхы 4, Ярослав же седе Кыеве на столе отьни и дедни; и бы тогда Ярослав лет 28.
ПОБЕДА БОЛЕСЛАВА ПОЛЬСКОГО НАД ЯРОСЛАВОМ ПОБЕДА ЯРОСЛАВА И НОВГОРОДЦЕВ НАД СВЯТОПОЛКОМ
В лето 6526 5. Приде Болеслав 6 с Святополком на Ярослава с ляхы; Ярослав же, совокупив Русь, и варягы, и словене, поиде противу Болеславу и Святополку, и приде Волыню, и сташа оба пол рекы Буга. И бе у Ярослава кормилець и воевода, именемь Буды, нача укаряти Болеслава, глаголя: «да то ти прободем трескою 7 черево 8 твое толъстое». Бе бо Болеслав велик и тяжек, яко и на кони не могы седети, но бяше смыслень; и рече Болеслав к дружине своей: «аще вы сего укора не жаль, аз един погыну». Всед на конь, въбреде в реку и по немь вой его, Ярослав же не утягну исполчитися, и победи Болеслав Ярослава; Ярослав же убежа с 4-ми мужи Новугороду, Болеслав же вниде в Кыев с Святополкомь. И рече Болеслав: «разведете дружину мою по городом на покоръм», и бысть тако. Ярославу же прибегаю Новугороду, и хотяше бежати за море, и посадник Коснятин, сын Добрынь с новгородьци расекоша лодье Ярославле, рекуше: «хочем ся и еще бити с Болеславом и с Святополкомь». Начаша скот 9 събирати от мужа по 4 куны, а от старост по 10 гривен, а от бояр по 18 гривен; и привелоша варягы, и вдаша им скот, и совокупи Ярослав воя многы. Болеслав же бе Кыеве седя, оканьный же Святополк рече: «елико же ляхов по городом, избивайте я»; и избиша ляхы. Болеслав же побеже ис Кыева, възма именье и бояры Ярославле и сестре его, и Настаса пристави Десятиньнаго 10 ко именью, бе бо ся ему вверил лестью, и людий множьство веде с собою, и городы Червеньскыя за я собе, и приде в свою землю. Святополк же нача княжити Кыеве, и поиде Ярослав на Святополка, и бежа Святополк в печенегы.
В лето 6527 11. Приде Святополк с печенегы в силе тяжьце, и Ярослав собра множьство вой, и изыде противу ему на Льто 12. Ярослав ста на месте, идеже убиша Бориса, въздев руце на небо, рече: «кровь брата моего вопьет к тобе, Владыко!..
И се ему рекшю, поидоша противу собе, и покрыта поле Летьское обои от множьства вой. Бе же пяток тогда, въсходящю солнцю, и сступишася обои, бысть сеча зла, яка же не была в Руси, и за рукы емлюче сечахуся, и сступашася трижды, яко по удольем крови тещи; к вечеру же одоле Ярослав, а Святополк бежа.