КНЯЖЕСКИЕ УСОБИЦЫ И ПОХОДЫ
А се вы поведаю, дети моя, труд свой, оже ся есмь тружал, пути дея и ловы с 13 лет. Первое, к Ростову идох, сквозе Вятиче посла мя отець, а сам иде Курьску; и пакы второе, к Смолиньску со Ставкомь Скордятичем, той пакы и отъиде к Берестию со Изяславом, а мене посла Смолиньску; то и Смолиньска идох Володимерю тое же зимы. То и посласта Берестию брата на головне, иже бяху пожгли, той ту блюд город тех… Та посла мя Святослав в Ляхы; ходив за Глоговы до Чешьскаго леса, ходив в земли их 4 месяци… та оттуда Турову, а на весну та Переяславлю, таже Турову. И Святослав умре, и яз пакы Смолиньску, а и Смолиньска той же зиме та к Новугороду; на весну Глебови в помочь; а на лето со отцемь под Полтеск, а на другую зиму с Святополком под Полтеск; ожгоша Полтеск; он иде Новугороду, а я с Половци на Одрьск воюя; та Чернигову… И пакы и Смолиньска же пришед, и пройдох сквозе Половечьскыи вой, бьяся, до Переяславля, и отца налезох с полку пришедша; той пакы ходихом, том же лете, со отцемь и со Изяславомь биться Чернигову с Борисомь, и победихом Бориса и Олга. И пакы вдохом Переяславлю, и стахом во Оброве, и Всеслав Смоленск ожъже, и аз всед с Черниговци и двою коню, и не, застахом в Смолиньске; те же путем по Всеславе пожег землю и повоевав до Лукамля и до Логожьска, та на Дрьютьск волюя, та Чернигову. А на ту зиму повоеваша Половци Стародуб весь, и аз шед с Черниговци и с Половци на Десне изъимахом- князя Асадука и Саука и дружину их избиша; и на заутрее за Новым Городом разгнахом силны вой Белкатгина, а се мечи и полон весь отъяхом. А в Вятичи ходихом по две зиме на Ходоту и на сына его… Томже лете гонихом по Половьцих за Хорол, иже Горошин взяша. И на ту осень идохом с Черниговци и с Половци, с Читеевичи, к Меньску: изъехахом город, и не оставихом у него ни челядина, ни скотины…
А всех путий 80 и 3 великих, а прока не испомню менших. И миров есм створил с Половечьскыми князи без одиного 20, и при отци и кроме отца, а дая скота много и многы порты свое; и пустил есм Половечскых князь лепших из оков толико: Шаруканя 2 брата, Багубарсовы 3, Овчины братье 4, а всех лепших князий инех 100; а самы князи бог живы в руце дава: Коксусь с сыномь. Аклан, Бурчевичь, Таревскый князь Азгулуй, и инех кметий молодых 15, то тех живы вед, исек, вметах в ту речку в Славлий; по чередам избьено не с 200 в то время лепших…
КНЯЖЕСКАЯ ОХОТА
А се тружахъся ловы дея; понеже седох в Чернигове, а из Чернигова вышед, и д…[33] о лета по сту уганивал и имь даром всею силою кроме иного лова, кроме Турова, иже со отцемь ловил есм всяк зверь. А се в Чернигове деял есм: конь диких своима рукама связал есмь в пущах 10 и 20 живых конь, а кроме того же по Роси ездя имал есм своима рукама те же кони дикие. Тура мя 2 метала на розех и с конем, олень мя один бол, а 2 лоси один ногами топтал, а другый рогома бол; вепрь ми на бедре мечь оттял; медведь ми у колена подъклада укусил, лютый зверь скочил ко мне на бедры и конь со мною поверже; и бог неврежена мя съблюде. И с коня много падах, голову си разбих дважды, и руце и нозе свои вередих, в уности своей вередих, не блюда живота своего, ни щадя головы своея. Еже было творити отроку моему, то сам есмь створил, дела на войне и на ловех, ночь и день, на зною и на зиме, не дая собе упокоя: на посадникы не зря, ни на биричи, сам творил что было надобе, весь наряд и в дому своемь то я творил есмь; и в ловчих ловчий наряд сам есмь держал, и в конюсех, и о соколех и о ястребех.
ПОУЧЕНИЕ ВЛАДИМИРА МОНОМАХА (Перевод)
О ПОВЕДЕНИИ КНЯЗЯ.
В доме своем не ленитесь, но за всем смотрите: не полагайтесь ни на тиуна, ни на отрока, чтобы не осмеяли приходящие к вам ни дома вашего, ни обеда вашего. Выйдя на войну, не ленитесь, не полагайтесь на воевод, не предавайтесь ни еде, ни питью, ни спанью; и сторожей сами наряжайте и ночью, всюду кругом нарядив воинов, тоже ложитесь, а вставайте рано. Оружия сразу с себя не снимайте: по небрежности внезапно человек погибает. Остерегайтесь лжи, пьянства и блуда, ибо в этом душа погибает и тело. Когда едете по своим землям, не позволяйте отрокам зла делать ни своим, ни чужим, ни в селах, ни в полях, чтобы не начали вас проклинать. Куда ни пойдете, где ни остановитесь, напойте, накормите бедного; более чтите гостя, откуда к вам ни придет, простого ли, знатного ли, или посла, если не можете подарком, то пишей, питьем: они, проезжая, будут прославлять человека либо добрым, либо злым по всем землям.
Если забываете это, то чаще прочитывайте — и мне будет без срама, и вам будет хорошо. Что доброго вы умеете, того не забывайте, а чего не умеете, тому учитесь; вот как отец мой, находясь дома, овладел пятью языками; это-то вызывает почтение от других стран. Ибо леность всему (злому) мать, что человек умеет, то забудет, а чего не умеет, тому не учится.