1175. «Веляшеть по вся дни возити по городу брашно и питье разноличное, больным и нищим на потребу».
По случаю княжеских съездов и свиданий происходили роскошные пиры, с которыми соединялось богатое одариванье.
1147. «Прислав Гюрги и рече: приди ко мне, брате, в Москов. Святослав же еха к нему с детятем своим Олгом, в мале дружине, пойма с собою Володимера Святославича. Олег же еха наперед к Гюргеви, и да ему пардус. И приеха по нем отец его Святослав, и тако любезно целовастася, в день пяток, на похвалу Св. Богородицы, и тако быша весели. Наутрии же повеле Гюрги устроити обед силен (первый московский славный обед!), и створи честь велику им, и да Святославу дары многы, с любовию, и сынови его Олгови и Володимеру Святославичу, и муже Святославле учреди, и тако отпусти и».
1149. «Изяслав же позва (пришедших к нему на помощь угров и ляхов) к собе на обед, и тако обедавше быша весели, великою честью учестив е, и дарми многыми дарова е, а тако поехаша кождо в своя товары».
1151. «Вячеслав… позва сына своего Изяслава к собе на обед, и Кияны все, и королевы мужи и Угры, с их дружиною, и пребыша у велице любви. Вячеслав же и Изяслав велику честь створиста Угром, Вячеслав же от себе, а Изяслав же от себе, и дарми многыми одариста и, и сосуды и порты и комонми и паволоками, и всякими дарми».
1160. «Снимася Ростислав с Святославом Ольговичем Моровийске, м. мая в 4 день. Бысть же съезд ею на великую любовь. Тогда же Ростислав позва Святослава к собе на обед. Святослав же еха к нему безо всякаго извета, и бысть же радость в тъ день межю има и дарове мнози: да бо Ростислав Святославу соболми, и горностайми, и черными кунами, и песци, и белыми волкы, и рыбьими зубы: на заутрие же позва Святослав Ростислава к собе на обед… да Святослав Ольгович Ростиславу пардус и два коня борза у ковану седлу».
1193. «Ростислав испросися у отца ко строеви своему, ко Смоленьску, с сайгаты… Всеволод, тесть его, позва и (Ростислава) к собе. Ростислав же еха к отцю своему в Суждаль, со сайгаты: тесть же его держав у себе зиму сюя и одарив даръми многими, и со честью великою, зятя своего и дчерь свою, отпусти во свояси».
1229. «Благоразумный князь Юрги призва (братьев и племянников, на него вознегодовавших) на снем в Суздаль, и исправивше все нелюбье между собою, и поклонишася Юрью вси… целоваша крест… и праздновавша Рождество Пресв. Богородицы у епископа Митрофана, бывше весели и одарены с мужи своими, и разъехашася».
Бывали угощения общие, в которых весь город принимал участие, например:
1148. Изяслав с сыном Ярославом «посласта подвойскеи и бириче по улицам кликати, зовучи к князю на обед, от мала и до велика; и тако обедавше, веселишася радостью великою и честью, разъидошася в свои домы».