Därf ih ’s Dirndl liab’n?
von
Peter Rosegger[201].
Ih bin jüngst verwich’n
hin zan Pforra g’schlich’n:
„Därf ih ’s Dirndl liab’n?“ —
„Untasteh dih nit, bei meina Seel’,
wonstas[202] Dirndel liabst, so kimst in d’ Höll’!“
Bin ih vull Verlonga[203]
zu da Muata gonga:
„Därf ih ’s Dirndl liab’n?“
„O mei liaba Schotz, es is no z’frua[204],
noch funfzehn Jahrln erst, mei liaba Bua!“
War in groß’n Nöt’n,
hon ih ’n Votan bet’n:
„Därf ih ’s Dirndl liab’n?“
„Duners Schlangl[205]!“ schreit er in sein Zurn,
„willst mein’ Steck’n kost’n, konst es tuan!“
Wos is onzufonga?
Bin zan Hergott gonga:
„Därf ih ’s Dirndl liab’n?“
„Ei jo freili,“ sogt er und hot g’locht,
„weg’n an Büaberl hon ih ’s Dirndl g’mocht!“