Just und expressi nit!
von
Peter Rosegger.
Do[206] kapriziert sih ums Geld
da Wirt auf da G’stät,
hiazt[207] zohl ih expressi
und justament nöt!
Mei Weib is von Schnaunzbort drahn[208]
neama ka Freind;
hiazt loß ih’n expressi stean,
grod weil sie greint.
Won ih a por Flügerl hät,
kunt fliag’n wiar a Taub’n;
zan Dirndl expressi nöt,
grod weil d’ Leut’ glaub’n.
Ih kriagad[209] mei Nochbars Dirn
leicht olli Tog;
ih nim ma s’ expressi nit,
weil ih nit mog.
Won ih nur d’ Miazl[210] hät;
de war nit schiach[211];
ih heirat s’ expressi nöt —
weil ih s’ nit kriag. —