Now of armys chekkerit here ye shaƚƚ haue an exemple.
More ouer other whyle we se armys chekkerit as here now it apperith in thys figure folowyng and they be calde armys chekkerit when they ar made of .ij. colouris to the maner of a chekker. And theys armys resayue many differens as in hedys or quarteris ī barris and bendis and other wyles ī Cheuerons of ye wich it shaƚƚ be spokyn a noon foloyng. And of hym the wich possessis theys armys ye shaƚƚ say in latyn thus. Portat arma scakkata de aserio et auro. Et gallice sic. ¶ Il port scakke dasor et dor. Anglice sic. ¶ He berith Chekker of asure and of golde