Now of armys partyt ou̇wartt ye shaƚƚ haue an exemple.
Armys ther be also īdentyd ou̇wart and partyt. And they be calde indentyd for theyre colowris as is sayd afore ar put oon in to an othir bi the maner of mennis tethe. And it shaƚƚ be sayd of him that beris theys armys in thys wyse. first in latyn thus.
Portat arma ꝑtita extransu̇so īdentata de auro et asorio as afore is rehersit. Et gallice sic.
Il port ꝑtiee de trauers dor et dasor endentee. Anglice sic ¶ He berith armys ꝑtyt ou̇warte indentytt of golde and asure
And to reherse moore of ꝑtyt armys ou̇warte it nedisnot for it is rehersyt sufficientli in the rules next afore ī armys ꝑtyt on lengthe. Therfore it shaƚƚ not be rehersytt here agayn. quia inutilis est repeticio vnius ad eiusdem. and that is to say It is an vnꝓfitabuƚƚ rehersyng of oon thyng to reherse the saame a gayn in the next sentans. Therfore to speke moore of armys partit and figure theym: other of ingraylit or irrasit inueckyt indentit nebulatyt and vndatyt: it nedys not. for they be taght sufficiently ī the long way. ¶ And I beleue it shaƚƚ be hard to fynde mony moo armys ꝑtyt afṫ the long way or ou̇wart then ar rehersit a fore Neu̇ the lees if any be founde or sene. in theym the same rules shaƚƚ be obseruit: as is rehersit a fore. and it is enogh for aƚƚ armys on that man̄ to be blasit that any gentyƚƚ man berith ꝑtyt.