Nẏne vertues of preciꝰ stonẏs

Nyne vertues of preciꝰ stonys ben ther .v. generaƚƚ and iiij. speciaƚƚ The v. geṅaƚƚ ben theys A sure messenger Kene & hardy fortunat of victori Cheualriꝰ of gou̇naunce &̄ myghtifuƚƚ of power The .iiij. speciaƚƚ be theis: hote of corage wyse & redy & vertues in werkyng Durable & vnfaynt fuƚƚ doughti & gloriose shynyng.

¶ The .iiii. vertues of cheualrẏ

Fowre vertues of cheualry ben ther: The first is iuste in his beestis. clennes of his ꝑsone. peti to haue of the poore. to be gracious to his presoṅ. to be reuerent and faythfuƚƚ to his god The secunde is that he be wyse ī his bataiƚƚ. prudent ī his fightīg knowyng & hauyng mynde ī his wittis. The .iij. is y^t he be nott slow ī his werris loke be fore y^t his q̄riƚƚ be true thanke god euer of his victory & for to haue mesure ī his sustināce. The iiij is to be strōg &̄ stedfast ī his gou̇nāce. to hope to haue y^e victory And vode not frome the felde and not to shame his cote armure. Also that he be not to bostfuƚƚ of his manhod Loke that he be curtes lowly and gentiƚƚ and with owte rebawdry in his langage.