Off armys sawtrie engradit here I wiƚƚ exempliƚƚ.
Now here ye most knaw that theys armys Sawtre be other while engradit as here in thys figure now apperith And then they be calde sawtre engradit as it is sayd afore in mony placis. as of the cros ingradit of barris and bendys. And of hym that beris theys armys ye shaƚƚ say in latyn. Portat vnum saltatorium ingradatum de auro in campo asorio. Et gallice sic. Il port dasor vng saultier dor engraylee. Et anglice sic. ¶ He berith asure and a cros sawtre of golde engradit.