Off borduris gobonatit now here is an exempuƚƚ.
Knaw ye more ou̇ that yit by side theys armys the wich I haue spoke of afore wt borduris: ther is an other bordure that is calde a bordure gobonatit. as here it shaƚƚ be shewyt ī thys scooehon next folowyng. And hit is calde gobonatyt for hit is made of ij. colouris quadratli ioynyt. yt is to say of blacke &̄ white. & of hym that beris theys armys ye shaƚƚ sey in latyn thus as foloyis ¶ Portat de argento & duas bendas de nigro cū una bordura de nigro et albo gobonata. Et gallice sic. ¶ Il port dargent deux bendee et vng bordure de sable et dargent Anglice sic. ¶ He berith siluer ij bendys of Sable with a bordure gobonatit of Sable & siluer
¶ And thys same bordure baare that nobuƚƚ prynce the duke of Gloucestyr brothyr to that nobuƚƚ weriowre Kyng henri the fifth: the wich royaƚƚ duke bare in his armys the hooƚƚ armys of Fraunce and of Englond quartly with a bordure gobonatit of Siluer and sable as is shewyt in diu̇se placis. And to blase theys armys it nedis not to be rehersit. for it is suffisciently taght afore in diuerse placis.
¶ Item of borduris had in armys of colowris inueekyt.
Ther be yit borduris ī armys of ij. colowris inueckyt. as here in thys figure apperis. and hit is calde a bordure inueckyt for hit is made of .ij. colowris to gedyr inueckyt. And ye shaƚƚ say of hym the wich berith theys armys in latyn thus. Portat arma quarṫiata de rubio et auro cum vna bordura de argento et nigro simul inuectis. Et gallice sic. ¶ Il port quartelee de gowlez et dor ouesqꝫ vng bordure verre dargent et de sable. Anglice sic
¶ He berith quartly gowles and golde with a bordure inuekkyt of siluer and sable.
Bott ī thes borduris ther is a grete differans emōg men pretendyng theym exꝑte and wyse in thys sciens as specially it is opyn ī tharmys in olde tyme of therle of Marche wheḋ they shulde be calde borduris or not. as here ī thys figure. And certan men say yt men not puttyng a merueles differans of blasyng say: that the forsayd Erle of marche the wiche wos calde Roger Mortememer when that he leuyd bare armys in latyn in thys wyse to say ¶ Portauit arma palata barrata et contraconata de asorio & auro cum vno simplici scuto de argento. Gallice sic. ¶ Il port pale barree girone dasor & dor et vng escu simple dargent. Anglice sic. ¶ He berith paly barri contrari conyt of asure &̄ golde with a sīple shelde of silu̇.
¶ And this opynyon afore rehersit in the blasyng plesyt many a man the wich in no maṅ of whise may be trw. For if thes armys as it is sayd afore war contrari conatit. then the lawist corner or the coone of tharmys that is to say the lawyst poynt of the shelde may neu̇ be of oon colowre as certanly it is of asure.
Over theys thyngys afore rehersit in theys armis it is ċtan that in aƚƚ armys contrari conyt aƚƚ the conys of what sum eu̇ colowre tharmys be made they mete to gedyr conally in the middis of the shelde. as in the next figure of the shelde opynly it shaƚƚ be shewyd. Wher fore as it apperith to my reson trulier they shal be blasit on this wyse: exceppit the gretter autorite that the forsoyd Erle of Marche berith thus in latyn. Portauit arma barrata et caput scuti palatum & angulatum de asorio & auro cum quodam scuto simplici de argento. Et gallice sic. Il port barree et vng Chieff palee cunecte dasor & dor et vng escu simple dargent. Et anglice sic. ¶ He berith barri and a Cheeff pale angulatit of asure and golde with a symple shelde of Silu̇.